السلام عليكم ورحمة الله وبركاته
انا حابب اعتذر عن الي صار ليلة امبارح وبحب قول لكل الي اخدو عني فكرة
ان كانت صح او غلط ما يحكمو علي الا من بعد يا يسمعو قصتي.
اولاوباختصار شديد:
انا صلي بشتغل على النت اسبوعين بس طبعا كنت معتمد على حالي وعلى خبرتي الضعيفة بهل الفترة
وكنت بل عادة فوت ولململي كم صورة وكم مقال من مواقع منوعة يعني لحد الان (غشيم) طبعا هي بالنت مو بغير شي
المهم لحد امبارح زارني احد اصدقائي فحبيت فرجي بعض الصور الي جمعتن من النت وكم شغلة طريفة
فخبرني انو في شي اسمو شات اودردشة شات وقلي كيف شاف رفيقه عم يتواصل بالشات
طبعا انا مو اول مرة بسمع بهاي الشغلة بس ماكنت اهتم فيها لاكثر من سبب
فقررت بنفس اليوم انو غامر كعادتي وما كذبت خبر كتبت على شريط الغوغل كلمة دردشة على الشات
قام طلع معي مواقع كثير وصرت خبص لحتى صرت عندكم وبتعرفوا انتو الكمالة وخاصة الي اسمها بلسم الروح
وبحب هون عبر لها عن شكري وامتناني لانو عرفت تحتويني وتعلمني كم شغلة
بس مو هون بيت القصيد بصراحة ياشباب انا كنت عم دور على شباب ملتزمين
يعني شات اسلامي مشان اتواصل معهن والي لاحظته امبارحة انو في شوية تخبيص ان كان من بعد الاسماء
يعني اسماء الاعضاء او من خلال قرائتي لبعض التفاعلات بين الاعضاء
والي بحب قولو هون اذا في هدف غير الي فهمته انا من هذا التواصل رجاء وضحولي
يعني اذا بالامكان نتبادل الافكار والاراء بشكل نافع وطبعا جدي فهذا الي بتمناه
ورح اثبت لكم اني بتعلم على السريع وبشكل ملفت
والسؤال الي بيطرح حالو هون انو انا قلت بدي شباب ملتزمين طيب ليش رجعت تواصلت معكم
الجواب انا تواصلت معكن لسببين:
الاول انو ماعم بعرف فوت واوصل الا لعندكم يعني انا امبارح وقبل ما انسحب من الشات نسخت
من شريط البحث هذا العنوان
http://www.bntaz.com/vb/u8.html
وجيت اليوم وضعتو في الشريط ونقرت على زر انتقال هي لاثبت لكم اني مابعرف شي متعلق بالمحادثة
بس بحاول استفيد من الي تعلمته
اما السبب الثاني:
من طبيعة الانسان او بالاحرى من طبيعتي انا انو بعد ما يصير عندي اتقان ضمن اي مجال
بتذكر بدايتي فيه وانتو كنتو بدايتي في هذا المجال ومو حابب انساكن هيك
لانكن تركتو شي جواتي والله مابعرف شو هوه بس مابعرف في شي عم يشدني
واخيرا:
بعد ما اخذتو فكرة عني بترجاكن اذا بالمكان تتقبلوني بصدق ونتواصل مع بعض بشكل هادف
فهذا مبتغاي واما اذا كان غير هيك فاستروا ماشفتوا مني ولاتؤاخذوني
وبتمنى تعلموني كيف اتواصل مع شباب بيحملو نفس افكاري وجزاكم الله عني كل خير
وصلى الله على سيدنا محمد وعلى اله وصبه وسلم
اخوكم في الله ابو عبيدة الشامي.
العنوان:gaber1985@hotmail
